PERSEEL IN JUMBO VAKANSIERESERVAAT

Hierdie prima perseel is deel van ‘n private natuurreservaat (waartoe die algemene publiek nie toegang het nie) en is geleë aan die Vaalrivier, stroomop vanaf Schoemansdrif, tussen die pragtige rante van die Vredefort koepel. Dit lê ongeveer 20 minute se ry vanaf Potchefstroom en Parys en een uur vanaf die Rand.
Die rivier is hier ongeveer 120 meter breed met ‘n minimum diepte van 4 m, gereguleer deur ‘n keerwal 3 km stroomaf. Geen kragbote word toegelaat nie – slegs kanoes en elektries-aangedrewe bote.
Die perseel is 703 m² groot met ‘n agthoekige argitekontwerpte woning. Hierdie seldsame ontwerp behels 3 slaapkamers (2 en suite geriewe) ‘n oopplan-leefarea met ‘n kaggel in die middel vir ‘n gesellige atmosfeer.
Die gemeenskaplike fasiliteite bestaan uit ‘n swembad, abblusieblok, boot-sleephelling, visvang-jetties, gesuiwerde water uit ‘n boorgat, wandelpaaie, uitstekende toegangsbeheer en wild. Geen omheining by erwe en geen troeteldiere.
Die reservaat is in private besit van ‘n beperkte aantal aandeelhouers en is dus ‘n Aandeleblok Eiendoms) Beperk Maatskappy met 38 aandeelsertifikate van 10 aandele elk. Die 10 aandele kan ook gesamentlik deur meer as 1 persoon besit word. Slegs die aandele word oorgedra aan kopers, derhalwe is daar geen hereregte van toepassing nie en geen verbande kan geregistreer word nie.
Kom kyk, luister na die Vaalrivier en geniet ‘n staproete van 15 km in die pragtige natuur tussen die wild en verskeie voëlsoorte

---

Bedrooms 3	Bathrooms 2	En Suite 2
Erf Size 703 m²	Land Size 13 ha	Floor Size 240 m²
Levies R 680	Pet Friendly ✓	Lounges 1
Kitchen ✓	Laundry ✓	Toilet ✓
Patio ✓	Built-in Cupboards ✓	Garden ✓
Swimming Pool ✓